مــنــتــدى نــادي الــمــحــرق

** السلام عليكم ورحمة الله وبركاته ..حيآكم الله بموقع نادي المحرق ..شاركونا بالفعاليات الذي سيقومهآ المنتدى .. وترقبوا كل ماهو جديد .. تحيآتي أدارة المنتدى
 
البوابةالرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 رواية ( ... سوالف فريج ... )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
??????
زائر



مُساهمةموضوع: رواية ( ... سوالف فريج ... )   الخميس يوليو 08, 2010 8:04 pm

هااااااااااي انا مألفة رواية بأسم (...سـوالف فريـج ...) انشالله الرواية بتعجبكم وطبعا اهيه عبارة عن احداث في فريج متعاون حلو.. الخ يلا خلكم مع الاحداث
شخصيات (...سوالـف فريـج ...) ...
اول شي :: بيت ام محمد
ام محمد : عمرها 41 . بشرتها بيضة وناعمة تحب النسواان ( ربعها مال الفريج خخ ) تحب عيالها وبسرعة تصيح تدلع بنتها لنها وحيدة وتحبها وايد وكل شي موفرته لها واهم شي سمعتها وسمعة اعيالها وتحب بعد زوجها .. ربة بيت
ابو محمد : عمره 45 بشرته سمرة ودهنية يحب ريايل الفريج ( ربعه مال الفريج ) كل شي موفر حق عياله وخصوصا بنته الوحيدة ولنها اصغر وحدة ويات عقب 3 صبيان .. يشتغل في شركة
محمد : اكبر واحد في اخوانه عمره جميل بس من شغلته استوه شوي اسمر 31 مأدب واايد مدلع اخته بس مايرضه بالغلط يشتغل مرشح ضابط وطبعا ابوه مستند فيه لنه اكبر واحد في عياله ويحب صبيان الفريج
راشد : جمييييييل كل بنات عايلته والفريج ميتين عليه عمره 21 اسمر عيونه واسعة يشتغل مرشح ضابط بس في القوه مدلع اخته درجة اولى الي تبيه ينفذه وهيه تحبه وااااااااااايد ويشبه اخته بعد
عبدالله : جمييل وايد وايد اصغر واحد في الصبيان عمره 16 شعره كيرلي يوصل لي نص رقبته ويحب اخته بس مايدلعها
يينه حق الي مدلعينهاا اخر العنقود هع اسمها ريم وهي في قمة الجمال بشرتها لونها اسمر بس فاتحة كل من في العايله يدلعها وهيه كل ساكته بس ويا ربع الفريج لا غير غير 180 درجة هع وااااااايد تشبه اخوها راشد حته انه يسمونها رشود صغير ههههه عمرها 12 شعرهاا مو وايد ناعم
ثاني شي :: بيت ام روان
ام روان : مرة ولا احسن ولا اروع هههه بشرتها غاامجة عمرها 41 متفتحة كل الفريج يحبونها وكل يوم الصبح يتيمعون عندها اهيه تحب عيالها وايد وزوجها بعد
بو روان :مسكييين بشرته غاامجة بس فاتحة يعني في النص عمره 43 يشتغل في بابكو مسئول سكان مرته يعني عادي تطقه خخخ مااعنده شخصية
روان : جميله متروسة شوي بشرتها بيضة متزوجة حمد عمرها 34 بس ماعندها عيال وشديدة شوي
مرام : جميلة بس ضعيفة وايد وضعفها مسويها شوي كريهه متزوجة عمرها 28 عندها حسن ولدها وحامل في الشهر 4
نوف : ناااااااااااااعمة جميييييييييييييله وكله ساكته عمرها 23 سمرة بس شعرها اشقر طبيعي
نجود : دفشة عكس نوف بس جميله واايد وااااااايد عمرها 17 سمرة غامجة شعرهاا ناااعم وايد شاطرة شوي
العنود : في النص يعني مو جميلة ولا كريهه ولا دفشة ولا ناعمه ولا تسولف وايد ولا كله ساكته يعني في كل شي في النص بس اذا حبت تحب من قلبها عمرها 16 صديقة ريم الروح بالروح يعني صج في فارق سن بس يعني ريم عقلها اكبر منها وجنها قد العنود يحبون بعض وااااايد وريم كله في بيت ام روان لنهم يحبونها وتحبهم ولنها ماعندها بنية تقعد وياها من جذي
ثالث شي :: بيت ام خليفة
ام خليفة : مرة عودة عمرها 43 بس مصغرة روحها يعني عايشة حياة المراهقات خخ بشرتها بيضة بس من كثر الكريمات صار فيها حرار
بو خليفة : عمره 45 مايلبس ثوب كله بدلات وهلون يعني مثل مرته وع فكرة بيتهم كله هواش مافي استقرار
خليفة : كللللله حزين في الاحداث بتعرفون ليش وخصوصا لنه بيتهم هلون وهوه جميل وايد شعره كيرلي لي ضهره يوصل بس مو وايد طويل عمره 29
عمر : عاايش حياته يعني يطالع امه وابوع يتهاوشون يضحك عيهم حياته كله ضحك عمره 17
فيصل : يحب اخته الوحيدة واايد وهوه الوحيد الي يدلعها في البيت عمره 14 بيست فريند ويا عبدالله
شيماء : ااخر العنقوود طبعا حيااتها مافيها استقرار كل ابوها يهاوشها بس ايي فيصل ويواسيها وهلون واايد تحب فيصل
رابع شي :: بيت ام فيصل
ام فيصل : مينووووووونه وااااااااايد عمرها 39 حته عيالها اعقل منها هههه اي شي تبيه تقعد تحن تحن لي مايبه لها زوجها
بو فيصل : طيب وحبوب بس مرته ميننته كل شي تبي عمره 41
يوسف : جميل شعره ناعم طويل شوي يحب امه وابوه عمره 25 ويحب اخواانه وخواته
جاسم : جميل كله معتزل عن الفريج بسبب احداث بس البيست فريند راشد رفيجه اييي يواسيه ويطلعون مع بعض بس يرد ع نفس الحالة . عمره 21
احمد : جميل حلو طويل وجسمه رياضي وله عضلات عمره 18 يحب يقعد مع خواته وايد بس مع اخوانه اكثر
سارة : جمييييله سمرة غامجة عيونها عسلية تحب احمد اخوها وايد عمرها 15
هااذي اهمه الشخصيات المهمه ولي زياده شخصيات باقولها لكم في القصة
نبتدي :Neutral::
في بيت ام محمد : ريم قاعدة ع الابتوب في الصالة بورحها وطبعا لنها الدلوعه كل شي يشترونلها عندها لابتوب SONY VAIO
نزل عبدالله مستعيل
ريم : عبوود عبدالله :ها شتبين ريم : وحشتني عبدالله :انزين بس جب باروح احق فصول ينطرني ريم : اوكي عبدالله راح حق فيصل الي كان ينطره عقب شوي دش عبدالله ونسى انه خته كانت قاعدة في الصالة ويااه فيصل بيروح فوق حجرة عبدالله فيصل دش جاف ريم قاعدة ع الابتوب وكانت فالة شعرها ولابسة بيجامة مع شبشب و قعد يطالعها مدة وهي حست انه احد يطالعها رفعت عينها جافته سرحت بس بسرعة حست وشالت عينها عقب عبدالله راح ويا فيصل فوق وهيه ليحين تفكر .. اتصلت في العنود وقالتلها عن السالفة
العنوود : اووووه اوووه وحبوو اليهاال
ريم : عنوودو باسطرج والله حلووو
العنود :هههههههههههه ماالت اقول تعالي بيتنا متملله حدي
ريم : ااووكي بس وين النسوان ؟؟
العنود : اكمه قاعدين عند الدجه
ريم : ههههه
العنود : يلا لا تطولين وبسرعة تعالي
ريم : اوكي يلا اكاني ياايتج
وصكوو الفون
وريم بترزت لبست سكني جينز وفانيلة صفرة ونعال صفرة ورفعت شعرها بس لا ارادي ينزل بروحه ع ويهها شوي و راحت بس صوب الباب نست تلفونها وراحت تييبه
في نفس الوكت ...
فيصل : العبد عطشان روح ييب لي ماي
عبدالله : والله مافيني شدة رووح اشرب مافي احد
فيصل سلم امره لله وراح يوم في الصالة جاافها ريم حس في شي اتجاهها راح لها جافها تدور ومستعيله
فيصل : ريم فيه شي ؟؟
ريم عبالها عبدالله اخووها لنها مارفعت راسها
ريم : عبوود مادري وين تلفووني
فيصل : امـــ ... اااا
ريم رفعت راسها جافته استحت ردت نزلت راسها
فيصل رفع راسها بيده وهيه ليحين مستحيه طالعته وكنها تقول شنو فيه
فيصل : ريم يصير تقعدين شوي ؟
ريم قعدت ع الكرسي ورفعت راسها وهوه قعد يمها
فيصل : ريم
ريم : نعم
فيصل : اااه .... قاطعه صوت تلفون ريم
ريم ردت : الوو هلا عنودو الحين بااييج
وسكرت فيصل : وين بتروحين
ريم :باروح حق العنود
فيصل في قلبه ياريت بدالها : بروحج ؟
ريم : اي الا بيتهم جريت
فيصل : لا حته لو انتي ليحين يعني ماكبرتي وايد مايصير هلون ...
ريم قاطعته : لالا عادي والحين يلا انا باروح بااي
فيصل : باااي تحملي في روحج
ريم ماردت وراحت .. جني وايد تكلمت عن ريم المهم يلا نكمل
في بيت ام روان كانو يرتبوون البيت والحاله حاله وكل النسوان يعدلوون ومشتركين في الحفله
ريم دشت كانو اليتات مطفيين خاافت مشت شوي وكااان هدوووووووووء مافي الا صوت خطواتها
شوي الا بطلو الليتاات والديجي وانواااااااااااع الرقص والاستهباال
ريم استغربت نادت العنود كااانت ترقص يات العنود
ريم :عنوودو شساالفة ؟؟
العنود : حبيبتي انتي ماتدرين في الساالفة يالغبية عيد ميلادج اليوم
ريم تذكرت : ههههههههههههههههههههههههههههههههه
وراحو يرقصوون وسهروو سهرة واااايد حلوة ويا بعض النسووان طلعو راحو يتمشون في الفريج وهمه قعدو داخل واللعب وكل شي لي الساعة 2 كل وحده راحت بيتهم
العنوود تتحجى في التلفون : بس عبوود والله انا ماقدرت ارد عليك تدري اليوم عيد ميلاد اختك وهلوون وانا ماقدرت بليز سامحني
اكيد عرفتو من تحاجي اخوو ريم وريم تدري ويعني عادي
عبدالله : بس هلون مايصير حبي وحشتيني وخفت عليج ااخر لج مرة
العنود : ويلووموني ليش تحبينه
عبدالله : اايه عليج والله الا شسوت ريمو هااي الدليعة يوم درت انكم مسووينلها حفلة
العنود :اايه عليها والله استاانست عبوودي مايصير هلون والله اهيه اصغر وحدة والوحيدة البنية يعني لازم تدلعهاا
عبدالله :عشااانج قلبي
العنود : ايه عليك يلا انا الحين بارقد
عبدالله : نووم العواافي
وقعد عبدالله ع لابتوبه DELL يتلكم مع ربعه
ريم من اول ماايات سييييييييده رقاااااااد ماافي امل خخ بدون ماتبدل بعد بس ويا صلاة الفجر قامت تبدل وتوضت وصلت وردت رقدت
نهااية الباارت عطوني رايكم بصراااااااحة عشاان اكملها سيي يووووووو
الرجوع الى أعلى الصفحة اذهب الى الأسفل
 
رواية ( ... سوالف فريج ... )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنــتــدى نــادي الــمــحــرق  :: اقسام الادب والتعليمية :: القصص والروايات-
انتقل الى: